Türkiyədə partiya sədri istintaqa çağırıldı
Türkiyədə millət vəkillərinin toxunulmazlıq hüququnun ləğv olunmasının ardından HDP (Xalqların Demokratik Partiyası) sədri Səlahəddin Dəmirtaş ifadə verməyə çağırılıb.
Modern.az xəbər verir ki, Ankara Baş Prokurorluğu Dəmirtaşı Mersin şəhərində açılan cinayət işi səbəbilə ifadə verməyə çağırıb.
HDP sədri daha əvvəl verdiyi açıqlamada ifadə verməyə getməyəcəyini bildirib. Qeyd edək ki, bundan əvvəl HDP-nin Muş millət vəkilləri Ahmet Yıldırım və Burcu Özkan ifadə verməyə çağırılıb.
