“ABŞ və Çin ticarət razılaşması barədə razılığa gəldi” – Tramp
Yeniavaz.com xəbər verir ki, bu barədə ABŞ Prezidenti Donald Tramp sosial şəbəkə hesabında məlumatat yayıb.
“Çinlə sövdələşməmiz tamamlandı, Çin sədri Si Cinpin və mənim tərəfimdən yekun təsdiqi gözləyirik”, - Tramp yazıb.
Onun sözlərinə görə, Pekin ABŞ-ni maqnit və nadir torpaq mineralları ilə təmin edəcək, Vaşinqton isə çinli tələbələrə Amerika kollec və universitetlərində təhsil almağa icazə verəcək.
Tramp əlavə edib ki, ABŞ Çindən idxala 55%, Çin isə ABŞ-dən idxala 10% rüsum tətbiq edəcək.
Ağ Ev sözçüsü bildirib ki, Çin üçün yeni tarif dərəcəsi 10% baza tarifi, fentanil alveri ilə bağlı iddialara görə tətbiq edilən 20% tarifi və əvvəllər mövcud tarifləri əhatə edən 25% tarifi ehtiva edir.
