Lukaşenko Ukrayna ilə döyüşə girməkdən çəkindi
Modern.az xəbər verir ki, bu barədə Belarus Prezidenti Aleksandr Lukaşenko bildirib. Onun sözlərinə görə, Belarus ordusu hərbi əməliyyatlarda iştirak etməyib və bunu hər kəsə sübut edə bilər. "Üstəlik, Rusiya rəhbərliyi heç vaxt bizə bu məsələni - silahlı münaqişədə iştirakımızla bağlı məsələ qaldırmayıb. Biz Ukraynada xüsusi əməliyyatda iştirak etmək fikrində deyilik. Belə bir ehtiyac yoxdur. Biz Brestdən dövlət sərhədini əhatə edirik. Radikalların, silahların ölkəyə daxil olmasının qarşısını alırıq”,- deyə Lukaşenko qeyd edib.
Xatırladaq ki, Lukaşenko daha öncəki çıxışlarında Rusiyaya istənilən dəstəyi verməyə hazır olduqlarını vurğulamışdı.
