AXCP-nin 5 üzvü Razi Nurullayevin tərəfinə keçdi - Bəyanat
AXCP üzvlərinin partiyadan ayrılması davam edir. Daha beş nəfər AXCP-ni tərk edərək Razi Nurullayevin tərəfinə keçib.
Partiyanı tərk edən Muradov Samir, Mirvəlişov Seymur, Məmmədov Füzuli, Əzizov Vusal, Hacıyev Samir bəyanat yayaraq bildiriblər ki, Əli Kərimlinin partiya daxilində yaratdığı anti-demokratik mühitə etiraz olaraq alternativ Azərbaycan Xalq Cəbhəsi Partiyasına qoşulurlar:
"Biz aşağıdakı imza edən Hovsan cəbhəçiləri bəyan edirik ki, Əli Kərimlinin rəhbərlik etdiyi dövrdə partiya daxilindəki anti-demokratik mühitə, maliyyə şəffafsızlığına, saxtakarlıqlara, bir qrup şəxsin partiya daxilində fironluğuna etiraz olaraq Razi Nurullayevin rəhbərlik etdiyi alternativ Azərbaycan Xalq Cəbhəsi Partiyasına qoşulduğumuzu elan edirik və bundan sonra fəaliyyətimizi orada davam etdirəcəyik".
Muradov Samir
Mirvəlişov Seymur
Məmmədov Füzuli
Əzizov Vusal
Hacıyev Samir
