Oqtay Əsədov deputatlara əsəbiləşdi: "Deyəsən, boğazları quruyub"
Milli Məclisin sədri Oqtay Əsədov deputatlara iradını bildirib.
AzVision.az xəbər verir ki, Milli Məclisin bu gün keçirilən plenar iclasında "Peşə təhsili haqqında" qanun layihəsinin müzakirə zamanı əsas kimi qəbul edilməsi üçün səsvermədə deputatların sayı kifayət etmədiyindən məsələ səsvermədən keçməyib.
Spiker buna əsəbləşib, deputatların çağırılmasını tələbə edib: “Deputatları çağırın, deyəsən, boğazları quruyub, çay içməyə gediblər”.
Daha sonra yenidən səsvermə keçirilib.
