“Vətəndən qaçıb, dövlətini təhqir edənlərlə mübarizə aparılmalıdır”
“Azərbaycan diasporu vətənindən qaçıb, gedib xaricdə dövlətini, onun atributlarını təhqir edənlərlə ciddi mübarizə aparmalıdır” - Sabir Rüstəmxanlı
APA-nın məlumatına görə, bunu xalq şairi Sabir Rüstəmxanlı Avropa Azərbaycanlıları Konqresinin Amsterdamda keçirilən növbədənkənar qurultayında bildirib. O deyib ki, Azərbaycandan xaricə gedib müxalif fikirlərini təhqirlə ifadə edənlər öz kökünə hörmətsizlik edir: “Diaspor işinə diplomatların da dəstək verməsi, diqqət göstərməsi çox vacibdir”.
S. Rüstəmxanlının fikrincə, Niderland parlamentinə “erməni soyqırımı”nın yalançı olduğunu sübüt edən faktlar əsasında müraciət edərək əsl soyqırımın Qarabağda, xüsusən də Xocalıda törədildiyini bildirmək lazımdır.
