"Əsədlə görüşmək lazımdır" - deputatlığa namizəd
Türkiyənin müxalif Milliyyətçi Xalq Partiyasının (MHP) üzvü Ümid Özdağ partiyasının iqtidara gələcəyi təqdirdə qatil Əsədlə görüşüb razılaşacaqlarını açıqlayıb.
Avropa.info xəbər verir ki, MHP-nin millət vəkili namizədi olaraq seçkilərdə iştirak edən girən elm adamı Ümid Özdağ beş il sonra Ədalət və inkişaf partiyasının olmayacağını, amma MHP-nin varlığını davam etdirəcəyini söyləyib. Özdağ MHP-nin iqtidara gələcəyi təqdirdə Əsədlə görüşərək müsbət bir razılıq əldə edəcəyini da sözlərinə əlavə edib.
"Suriyadakı cihadçıların təchizat dəstəyi Türkiyədən təmin olunur. Bu dəstəyi kəsdiyiniz zaman Amerikadan da ciddi kömək ala bilmədikləri üçün müqavimət göstərə bilməyəcək və çökəcəklər. Bundan sonra Türkiyə Əsədlə mülayim müxalifət arasında yeni bir razılaşma üçün zəmin yaradacaq vəziyyəti təmin edə bilər və tərəfləri eyni masa ətrafında yığıb yeni bir layihə üzərində razılıq əldə edə bilər. Əsədlə təbii ki, görüşmək lazımdır. Ancaq bunun necə olacağına qurulacaq MHP hökuməti qərar verəcək."
