ABŞ-dan Qarabağla bağlı bəyanat
Amerika Birləşmiş Ştatları atəşkəsin təsdiqini alqışlayır və tərəfləri ona sadiq qalmağa çağırır. Bu barədə ABŞ-ın Azərbaycandakı səfirliyi rəsmi Feysbuk səhifəsində məlumat yayıb.
“Həmsədrlər tərəfləri ATƏT-in Minsk Qrupu çərçivəsində hərtərəfli həll üçün dərhal danışıqlara başlamağa dəvət etmək məqsədilə regiona səfər edirlər. ATƏT-in Minsk Qrupunun həmsədri kimi Amerika Birləşmiş Ştatları davamlı sülhə nail olmaq üçün tərəflərlə işləmək öhdəliyinə sadiqdir”, - məlumatda bildirilib. /axar/
