Əfv Komissiyasının iclasından xəbər var
Prezident yanında Əfv Məsələləri Komissiyasının növbəti iclası keçirilib. Bu barədə Trend-ə komissiyanın üzvü Rəşad Məcid məlumat verib.
R.Məcid deyib ki, iclasda daxil olan müraciətlərə baxılsa da, komissiyanın daha bir iclasının keçirilməsi qərara alınıb: "Müraciətlər çox olduğundan iclasda həmin müraciətlərin hamısına baxmaq mümkün olmadı. Qərara alındı ki, qalan müraciətlərə gələn iclasda baxılsın. Növbəti iclasda da qalan müraciətlərə baxılandan sonra qərar qəbul ediləcək və dövlət başçısına siyahı təqdim ediləcək".
