"Son 30 il ərzində su ehtiyatlarımız 15 faiz azalıb" - Nazir müavini

"Son 30 il ərzində su ehtiyatlarımız 15 faiz azalıb" -
"Son 30 il ərzində su ehtiyatlarımız 15 faiz azalıb və bu gün Azərbaycan da su stresi çəkən ölkələr sırasındadır”.

“Report” xəbər verir ki, bu fikirləri ekologiya və təbii sərvətlər nazirinin müavini Vüqar Kərimov BMT-nin “DİM Dialoqları” təşəbbüsü çərçivəsində keçirilən “Azərbaycanda Yaşıl Transformasiya” konfransında çıxışı zamanı deyib.

Onun sözlərinə görə, iqlim dəyişiklikləri dünyada ən çox müzakirə olunan aktual problemlərdən biridir: "Son yüz ildə ölkəmizdə temperatur 4,3 dərəcə artıb. Yağıntıların miqdarının azalması bizi gələcək illərdə su ilə bağlı daha kəskin addımlar atmağa məcbur edir. Təəssüf ki, bu problem Azərbaycandan da yan keçmədi. Azərbaycan ərazisi qlobal istiləşmə kimi məsələlərdə həssasdır. Temperaturun artması, su ehtiyatlarımızın azalması, səhralaşma, erroziya prosesinin güclənməsi, yağıntıların miqdarının azalması, küləkli günlərin miqdarının artması kimi amillər Azərbaycanda öz fəsadlarını göstərməkdədir”.

Nazir müavini son 15 ildə Azərbaycanın meşə ərazilərinin 12-15 faiz azaldığını bildirib: "Qlobal iqlim dəyişikliklərinin nəticəsi olaraq müəyyən miqdarda meşəlik ərazilərimiz məhv olub".

Twitter Facebook Myspace Stumbleupon Technorati blogger google
255 dəfə oxundu
 



XƏBƏR LENTİ
Loading...