Dəhşətli istilər gəlir - 41 dərəcə
Sabah Azərbaycanın bəzi yerlərində havanın temperaturu 41 dərəcəyədək yüksələcək.
Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə verilən məlumata görə, avqustun 19-da Bakı və Abşeron yarımadasında hava şəraiti əsasən yağmursuz olacaq, lakin axşam doğru buludluluq artacaq. Cənub küləyi əsəcək. Bakı və Abşeron yarımadasında havanın temperaturu gecə 23-27, gündüz 32-37 dərəcə isti olacaq.
Azərbaycanın rayonlarında hava əsasən yağmursuz olacaq, şərq küləyi əsəcək. Aran rayonlarında havanın temperaturu gecə 21-26, gündüz 34-39, bəzi yerlərdə 41 dərəcə isti olacaq, dağlarda gecə 15-20, gündüz 28-33 dərəcə isti proqnozlaşdırılır.
