Sevinc Vaqifqızı da saxlanıldı
Turan-ın müxbirinin verdiyi məlumata görə, Vaqifqızı birbaşa təyyarədən düşərkən saxlanılaraq Bakı şəhər Baş Polis İdarəsinə aparılıb.
Bir gün əvvəl “Abzas Media”nın direktoru Ülvi Həsənli qaçaqmalçılıqda şübhəli bilinərək saxlanılıb.
Vaqifqızı Azərbaycan məmurları arasında korrupsiya faktları ilə bağlı apardığı jurnalist araşdırmaları ilə tanınır.
O, əvvəllər peşə fəaliyyətinə görə məhkəmə çəkişmələrinə və digər təzyiqlərə məruz qalıb.
Saat 03.30 radələrində Sevinc Vaqifqızı evə gətirilib və vəkil Elçin Sadıqovun iştirakı ilə axtarış başlayıb.
