YAP-ın deputatlığa namizədi külli miqdarda borc içindədir
Gununsesi.info həmin şəxslərin kimliyi ilə bağlı araşdırmalar aparır. İlk araşdırmamız 59 saylı Quba Seçki Dairəsindən deputatlığa namizəd Məhərrəmzadə Əlibala Səttar oğludur.
Hazırda rayonda iş adamı kimi tanınan Əlibala Məhərrəmzadə Qubadakı “Şahdağ Turuskavets” Sanatoriyasının sahibidir.
Araşdırmamız zamanı onun iş adamı olmasına baxmayaraq, külli miqdarda borcunun olduğu da üzə çıxıb. Məlum olub ki, Əlibala Məhərrəmzadənin toplam 10 milyona yaxın borcu var.
İddialarla bağlı Əlibala Məhərrəmzadənin mövqeyini öyrənmək cəhdimiz baş tutmadı.
Qeyd edək ki, Əlibala Məhərrəmzadənin hazırda rəqibi deputat Vahid Əhmədov və onun əmisioğlu olduğu bildirilən Əliabbas Məhərrəmovdur.
