“8-ci kilometr” bazarının dövlət komitəsinə qarşı şikayəti əsasında məhkəmə başa çatıb
![“8-ci kilometr” bazarının dövlət komitəsinə qarşı şikayəti əsasında məhkəmə başa çatıb “8-ci kilometr” bazarının dövlət komitəsinə qarşı şikayəti əsasında məhkəmə başa çatıb](/uploads/posts/2015-11/1447847881_1447845811_01.jpg)
Bakı Apellyasiya Məhkəməsində “8-ci kilometr Ticarət Mərkəzi” MMC-nin Əmlak Məsələləri üzrə Dövlət Komitəsinə (ƏMDK) qarşı şikayəti əsasında məhkəmə prosesi başa çatıb.
APA-nın məlumatına görə, məhkəmə şikayəti təmin etməyib. Qeyd edək ki, ASC aktların və şəhadətnamələrin qüvvədən salınması barədə iddia ərizəsi ilə 1 saylı Bakı İnzibati İqtisad Məhkəməsinə müraciət edib. Məhkəmə iddianı mümkün saymayıb. Həmin qərardan isə ASC apellyasiya şikayəti verib.
Onu da qeyd edək ki, Əmlak Məsələləri üzrə Dövlət Komitəsi “8-ci km Ticarət Mərkəzi” MMC-nin səhmlərinin satışı üzrə investisiya müsabiqəsinin nəticəsini bu ilin əvvəlində elan edib. Müsabiqə Komissiyası 3 iddiaçı arasında 6 aya müəssisəyə 1 mln 180 min 760 manat investisiya qoymağı öhdəsinə götürən fiziki şəxsi qalib elan edib. 1980-ci ildə yaradılan bazar 2000-2001-ci illərdə çek və pul hərracında özəlləşdirilib. 2008-ci ildə naməlum səbəbdən ƏMDK-nin qərarı məhkəmə qərarı ilə ləğv edilib və bazar dövlət mülkiyyətinə qaytarılıb. 2008-ci ilin fevralında “Ticarət Mərkəzi-4" MMC yaradılıb. Bu hüquqi şəxs o vaxtdan ƏMDK-nin tabeliyində olub. 2014-cü ilin avqustunda MMC-nin bazasında “8-ci km Ticarət Mərkəzi" MMC yaradılıb.
1043 dəfə oxundu