Erməni əsirliyində olmuş şəxs: “Dişlərimi çıxarırdılar”
“Report”un xəbərinə görə, bunu Birinci Qarabağ müharibəsi zamanı əsir götürülmüş azərbaycanlılara qarşı amansız işgəncələr verməkdə ittiham olunan erməni hərbçilər - Mkrtiçyan Lüdvik Mkrtiçoviç və Xosrovyan Alyoşa Aramaisoviçin cinayət işi üzrə məhkəmə iclasındakı ifadəsində zərərçəkmiş Rauf Qafarov deyib.
“Əsirlikdə olanda tikinti işləri üçün Ağdam və Füzulidə evləri söküb daşları daşıtdırırdılar. Ermənilər mənim dişlərimi çıxartdılar. Bizi seperatçı rejimin o vaxtkı “müdafiə naziri” Samvel Babayanın donuz fermasında fəhlə kimi işlədirdilər, yemək və su vermirdilər. Erməni uşaqlarını məktəbdən yanımıza gətirirdilər. Uşaqlar da bizi təhqir edirdi”, - o, əlavə edib.
