Narkotikə görə həbs edilən şəxsin anasının iddialarına - DİN-dən reaksiya
Məsələ ilə bağlı DİN-in Mətbuat Xidmətinin şöbə rəisi Anar Qafarov “Qafqazinfo”ya bildirib ki, həmin şəxs polis əməkdaşlarının narkotik vasitələrinin qanunsuz dövriyyəsinə qarşı həyata keçirdikləri əməliyyat tədbiri nəticəsində saxlanılıb.
“Onun üzərindən yüksək təsiredici xassəyə malik narkotik vasitə aşkarlanaraq götürülüb. Faktla bağlı zəruri istintaq hərəkətləri aparılıb və A.Hüseynzadəyə ittiham elan edilərək o, təqsirləndirilən şəxs qismində tutulub. İstintaqın gedişi zamanı həmin şəxsin hüquqlarının tam və hərtərəfli qoruması təmin edilib və cinayət işi baxılması üçün məhkəməyə göndərilib.
A.Hüseynzadənin anasının övladının həbsi ilə bağlı səsləndirdiyi iddialar onun əməlləri ilə uyğunluq təşkil etmir, həqiqəti əks etdirmir”, - A. Qafarov bildirib.
