Rusiya Türkiyə səmasında müşahidə uçuşlarına başlayıb
Rusiya açıq hava sahəsi anlaşması çərçivəsində Türkiyə səmasında müşahidə uçuşlarına başlayıb.
APA-nın “Milliyet”ə istinadən verdiyi məlumata görə, Rusiya tərəfi müşahidə uçuşunu “An-30B” təyyarəsi ilə həyata keçirir. Təyyarə Ərzurumdan havaya qalxır və Türkiyə tərəfinin müəyyən etdiyi marşrut üzrə hərəkət edir. Proses dekabrın 18-də yekunlaşacaq.
Qeyd edək ki, açıq səma anlaşması ATƏT çərçivəsində qarşılıqlı anlayışı və etimadı gücləndirmək üçün 1992-ci ildə imzalanıb.
