Avropa İttifaqı Gürcüstanda verilən COVID-19 pasportlarını tanıyıb
Gürcüstan Avropa İttifaqının (Aİ) COVID-19 Sertifikat Sisteminə qoşulub.
APA-nın yerli bürosunun xəbərinə görə, bu barədə Gürcüstanın xarici işlər naziri David Zalkaliani “Twitter”də bildirib.
O vurğulayıb ki, bu, pandemiyaya qarşı mübarizədə önəmli addımlardan biridir və Gürcüstan Qərb dəyərlərinə sadiq olaraq qalır.
Xatırladaq ki, Gürcüstanla yanaşı Moldova, Serbiya və Yeni Zelandiya da adıçəkilən sistemə qəbul edilib.
