Haitidə azı 15 nəfər silahlı insident zamanı həlak olub
Haitidə atışma zamanı azı 15 nəfər öldürülüb.
Gundeminfo.az xəbər verir ki, bu barədə "Agency France Presse" yerli polisə istinadən məlumat yayıb.
Məlumata görə, hücumun məqsədi bir neçə saat əvvəl öldürülmüş polisin qisasını almaq olub.
Haiti Milli Polisinin rəhbəri Leon Çarlz məlumatı təsdiqləyib. O, bildirib ki, həlak olanlar dinc sakinlərdir. Leon Çarlz cinayətin polis əməkdaşının ölümünə cavab olaraq həyata keçirildiyini vurğulayıb.
Qeyd edək ki, bu il Haitidə zorakılıq halları kəskin şəkildə artıb.
