Paytaxtın sabiq polis rəisi ölkədən qaçdı
İrəvanın sabiq polis rəisi Nerses Nazaryan və onun ailə üzvləri Ermənistanı tərk ediblər. Virtualaz.org Ermənistanın "Joxovurd" qəzetinə istinadən bildirir ki, ailə artıq xaricə köçüb və daimi olaraq orada qalmaq niyyətindədir. Nerses Nazaryan ailəsi bizneslərinin olduğu ABŞ-da yaşamaq istəyir.
"Joxovurd"-un yazdığına görə, Nerses Nazaryan İrəvanın polis rəisi olduğu vaxt onun ailəsinin bir neçə biznesi olub. 2013-cü ildə istefadan sonra Nazaryanın işlərim pisləşməyə başlayıb. Nazaryan ailəsinə məxsus sonuncu supermarketi - "Moskviçka" ötən ilin payızında bağlanıb.
