Cənubi Koreya hərbi büdcəsini artırır
Cənubi Koreyanın Mİlli Müdafiə Nazirliyi ölkə Parlamentindən 2019-cu il üçün hərbi büdcənin artırılmasını istəyib.
Modern.az xarici KİV-ə istinadən xəbər verir ki, nazirlik KXDR ilə davam edən əlaqələrin qeyri-müəyyənlik şəraitində büdcənin fantastik sayılan 8,2 % (42 milyard dollaradək) artırılmasını tələb edib.
Hərbi büdcənin illik 8,2 faiz artımı, hərbi xərclərin normal artımından demək olar ki, iki dəfə çoxdur.
Nazirlik isə bu məbləğin qoşunların texniki təchizatını yaxşılaşdırarkən hərbi qulluqçuların sayını azaltmaq məqsədi ilə istəndiyini bildirib.
Bu layihə ölkənin nazirlər kabineti tərəfindən baxıldıqdan sonra avqustun 31-də ölkə parlamentinə təqdim olunacaq.
Qeyd edək ki, Cənubi Koreya 2017-ci ildə dünyada müdafiə xərclərinə görə ikinci yerdə qərarlaşıb. Birinci yerə isə həmişəki kimi 610 milyard dollar ilə ABŞ liderlik edir.
