Arvadı Trampın siyasətini tənqid etdi: Uşaqların ailələrindən ayrılması...
ABŞ prezidenti Donald Trampın həyat yoldaşı Melaniya Tramp ölkənin miqrant siyasətini tənqid edib.
Qaynarinfo xəbər verir ki, "first lady" qeyri-qanuni miqrantlara göstərilən münasibətə, sərhəddə minlərlə uşağın ailələrindən ayrı düşməsini görməyə nifrət etdiyini deyib. Xanım Tramp bildirib ki, miqrant qanununda islahatların baş verəcəyinə ümid edir.
ABŞ Daxili Təhlükəsizlik Naziri ölkə sərhədində 19 aprel-31 may tarixlərində 2 min uşağın ailələrindən ayrılmaq məcburiyyəti ilə üzləşdiyini açıqlayıb. Donald Tramp hakimiyyətinin yeni qanununa əsasən, ABŞ-a qeyri-qanuni girən yetkin miqrantlar həbs edilir, azyaşlılar isə uşaqlar evinə göndərilir.
