ABŞ qoşunları Moldovaya daxil oldu
ABŞ hərbçiləri və hərbi texnikası bu gün səhərt saatlarında Rumıniyadan Moldova ərazisinə daxil olub. Modern.az saytı xarici KİV-ə istinadən xəbər verir ki, keçmiş sovet respublikasına 100-dən artıq zirehli texnika və 2 minə yaxın əsgər gəlib. Onların sərhədi keçməsinə qarşı Sosialist Partiyasının fəalları etiraz aksiyası təşkil etsələr də, polis etirazçıları ərazidən uzaqlaşdırıb.
Moldova mətbuatının məlumatına görə, Moldovada mayın 3-dən 20-nə kimi “Dragon Pionner” təlimi baş tutacaq. Hərbi təlim zamanı amerikalı hərbçilər moldovalı hərbçilərə yardım göstərəcəklər.
