Avropa Komissiyası Ukraynaya 1,8 mlrd. dollar ayıracaq
Avropa Komissiyası Ukraynaya 1,8 mlrd. dollar maliyyə yardımı edəcək.
APA-nın “RBC-Ukrayna” agentliyinə istinadən verdiyi məlumata görə, müvafiq saziş Riqada keçirilən “Şərq tərəfdaşlığı” sammitində imzalanıb. Vəsait mərhələli şəkildə veriləcək. Hər mərhələdə Ukrayna 600 mln. avro alacaq. İlk tranş bu ilin iyun ayında ayrılacaq. Maliyyə vəsaitini almaq üçün Ukrayna parlamenti müvafiq sənədləri ratifikasiya etməlidir, Beynəlxalq Valyuta Fondunun Direktorlar Şurası isə genişləndirilmiş maliyyələşmə proqramına yenidən baxılmanın nəticələrini təsdiqləməlidir.
