Əfqanıstanın yüzlərlə əsgərinə Britaniyada yaşamaq hüququ veriləcək
"Report"un "The Guardian"a istinadən verdiyi xəbərə görə, onlara əvvəllər rədd cavabı verilib.
Söhbət "riskli qrup" adlandırılan veteranlardan gedir - onlar maaş alıblar və Əfqanıstanda Britaniya hökuməti tərəfindən işə götürülüblər. Lakin Britaniya hakimiyyəti bunu təkzib edib.
Bu hərbçilərin bəziləri 2021-ci ilin yayında Qərb qoşunlarının çıxarılmasından sonra Əfqanıstana nəzarəti ələ keçirən “Taliban”dan gizləniblər, daha bir neçə yüz nəfər Pakistana qaçıb, amma orada deportasiya ilə üzləşib. Artıq altı nəfərin britaniyalılarla əməkdaşlığa görə zərərsizləşdirildiyi barədə də məlumatlar var.
Qeyd edilir ki, onlara Böyük Britaniyanın Əfqanıstandakı hərbi mövcudluğunun on ildən çox müddətində SAS (Xüsusi Hava Xidməti) daxil olmaqla, Britaniya qüvvələri ilə birgə döyüşmüş, sıx əməkdaşlıq edən “Üçlük” kimi tanınan 333 və 444-cü elit əfqan bölmələrinin üzvləri daxildir.
