Cənubi Koreya parlamenti it ətinin satışını qadağan etdi
Qaynarinfo "Yonhap” xəbər agentliyinə istinadən xəbər verir ki, 208 parlamentari təşəbbüsün lehinə səs verib, ikisi bitərəf qalıb.
Ətlik it yetişdirənləri iki ilə qədər həbs və ya 20 milyon vona (15,1 min dollar) qədər cərimə gözləyir. İt kəsimi ilə məşğul olanları 3 il həbs cəzası və ya 30 milyon von (22,7 min dollar) məbləğində cərimə gözləyir.
Cəzalar 2027-ci ildə üç illik güzəşt müddətindən sonra icra edilməyə başlayacaq. İndi it əti təsərrüfatları, eləcə də it əti satan distribütorlar və restoranlar öz bizneslərini qeydiyyatdan keçirməli olacaqlar. Hakimiyyət də bu cür müəssisələrin bağlanması üçün subsidiyalar verməyə hazırdır.
Qanun layihəsi hakim "Vətəndaş gücü” partiyasının təşəbbüsü ilə it ətinin istehlakının azalması və onun beynəlxalq ictimaiyyət arasında mənfi imicinin olması fonunda hazırlanıb. Cənubi Koreyada təxminən 1150 it ferması, 34 it əti kəsimi müəssisəsi, 219 distribyutor və it ətindən hazırlanan yeməkləri təqdim edən 1600-ə yaxın restoran var.
Qeyd edək ki, Cənubi Koreya hakimiyyətinin it ətinin istehlakını qadağan etmək planları 2023-cü ilin noyabrında məlum olub. Bu sahənin işçiləri qanun layihəsinin rədd edilməsi tələbi ilə parlament binası qarşısında aksiya keçiriblər.
Sorğuların nəticələrinə görə, Cənubi koreyalıların 93,4%-i it ətinin yeməyin əleyhinədir.
