Çinli hakerlər ABŞ səfirinin e-poçt hesabını ələ keçirdi
Yeniavaz.com xəbər verir ki, bu barədə CNN mənbələrinə istinadla məlumat yayıb.
Bildirilir ki, e-poçt ünvanları kəşfiyyat məlumatlarının toplanması məqsədilə ələ keçirilib.
Sözügedən hadisəyə görə “Microsoft” və Ağ Ev Çin hökumətini günahlandırıb.
Çində yerləşən və "Fırtına-0558" kimi tanınan haker qrupunun ABŞ-ın Pekindəki səfiri Bernsin və bu yaxınlarda Çinə səfər edən ABŞ dövlət katibi Antoni Blinkenin və müşavirin müavini Kritenbrinkin e-poçt hesablarını hədəf aldığı bildirilir.
Haker qrupunun sındırdığı e-poçt hesabları vasitəsilə ABŞ-ın daxili siyasəti ilə bağlı məsləhətləşmələri və ölkənin yüksək səviyyəli rəsmilərinin Çinə son səfərləri ilə bağlı məlumatlara daxil ola biləcəyi ehtimal edilir.
Qeyd edək ki, Ağ Ev və “Microsoft” iyulun 12-də ABŞ qurumlarını hədəf alan kiberhücum olduğunu və hücumun Çinli hakerlər tərəfindən həyata keçirildiyini açıqlayıb.
