Azərbaycan Ukraynada bu şəhərin bərpasına kömək edəcək
Yeniavaz.com xəbər verir ki, bu barədə prezidentin rəsmi saytında məlumat dərc edilib. Azərbaycanın səfiri Seymur Mərdəliyevi diplomatik fəaliyyətə başlaması münasibətilə təbrik edən dövlət başçısı Ukraynanın ərazi bütövlüyünü və suverenliyini dəstəklədiyinə görə minnətdarlığını bildirib.
Zelenski Azərbaycan Prezidenti İlham Əliyevə ən səmimi təbriklərini çatdırıb və bildirib ki, onların Kişinyovdakı son görüşü səmərəli keçib, çünki qarşılıqlı maraq doğuran bir çox məsələləri müzakirə etmək mümkün olub. O cümlədən, Azərbaycanın İrpen şəhərinin yenidən qurulmasında iştirakı razılaşdırılıb.
Ukrayna prezidenti Rusiyanın təcavüzündən qaçan ukraynalıların Azərbaycanda səmimi qəbuluna görə də təşəkkür edib.
O, həmçinin Rusiyanın silahlı təcavüzünün nəticələrinin, xüsusən də Kaxovskaya SES-də Rusiya Federasiyası tərəfindən törədilən texnogen fəlakətin aradan qaldırılmasında Azərbaycanın göstərdiyi humanitar yardıma görə minnətdarlığını bildirib. Zelenski Azərbaycanın Ukrayna Sülh Formulasının həyata keçirilməsində fəal iştirakına və Qlobal Sülh Sammitində iştirakına ümid etdiyini bildirib.
Prezident Azərbaycan bizneslərini Ukraynada infrastruktur və enerji layihələrinin həyata keçirilməsinə qoşulmağa dəvət edib.
