Tramp “Qızıl kart”la bağlı sərəncam imzaladı
Yeniavaz.com “Politico” qəzetinə istinadla xəbər verir ki, bu barədə Ağ Evin rəsmi saytında məlumat dərc edilib.
Məlumata görə, kart fiziki şəxslər üçün 1 milyon dollara, hüquqi şəxslər üçün isə 2 milyon dollara təqdim ediləcək.
“Qızıl kart” onun sahiblərinə sürətləndirilimiş şəkildə ABŞ-də daimi yaşayış icazəsi almağa imkan verəcək.
Həmçinin, proqram çərçivəsində “Platinum kart" da təqdim ediləcək. Bu kartın qiyməti 5 milyon dollar olacaq və sahiblərinə ABŞ-dən kənarda əldə edilən gəlirlərdən vergi tutulmadan ildə 270 günə qədər ABŞ-də qalmaq imkanı verəcək.
ABŞ-nin ticarət naziri Hovard Lutnikin sözlərinə görə, “Yaşıl kart”a bənzəyən “Qızıl kart”dan 80 min ədəd buraxılacaq.
Bu proqram çərçivəsində büdcəyə 100 milyard dollardan çox vəsait cəlb ediləcək.
