Fond rəsmisi: "Hesablama Palatası 12 bankın ləğvetmə prosesi ilə bağlı yoxlama aparıb"
"Hesablama Palatası 12 bankın ləğvetmə prosesi və Əmanətlərin Sığortalanması Fondunun ləğvetmə prosesində fəaliyyəti ilə bağlı yoxlama aparıb".
"APA-Economics" xəbər verir ki, bunu ləğv prosesində olan "Bank Standard" QSC-nin Kreditorlar Komitəsinin bu gün keçirilən iclasında Əmanətlərin Sığortalanması Fondunun icraçı direktorunun müavini Vüqar Abdullayev deyib. Onun sözlərinə görə, yoxlama ilə bağlı ayrı-ayrılıqda akt tərtib olunub və müvafiq hüquq mühafizə orqanlarına göndərilib: "Bununla bağlı yəqin ki, hüquq mühafizə orqanları məlumat verə bilərlər ki, iş hansı mərhələdədir və hansı nəticələri gözləmək olar".
