Ekspert: Dərmanların ekspertiza tariflərinin azaldılması bazarda rəqabəti artıracaq
Dərmanların ekspertizası üçün müddətin 11 günə endirilməsi, digər tərəfdən, ekspertiza tariflərinin aşağı salınması ölkədə dərman çeşidliliyinin artmasına müsbət təsir göstərəcək.
Bunu APA-ya açıqlamasında iqtisadçı-ekspert Eyyub Kərimli deyib.
O bildirib ki, bu da öz növbəsində dərman bazarında rəqabət mühitinin yaranmasına gətirib çıxaracaq:
“Liberal rəqabət olan yerdə qiymət tələb-təklif əsasında formalaşır ki, burada da təklifin artması gözlənilir. Beləliklə, xaricdən müxtəlif çeşiddə daha keyfiyyətli dərmanların gətirilməsi üçün şərait yaranacaq. Ekspertiza tariflərinin azaldılması nəticəsində dərmanların maya dəyəri də aşağı düşmüş olacaq. Sözsüz ki, bu da qiymətlərin rəqabət mühitində formalaşmasına gətirib çıxaracaq”.
Ekspert əlavə edib ki, ölkəmizə il ərzində təxminən 500 milyon dollarlıq dərman idxal olunur və dərman sənayemiz 95 faiz idxaldan asılıdır:
“Əlbəttə ki, bu qərar dərman vasitələrinin ucuzlaşmasına da imkan verəcək. Prosedurların sadələşdirilməsi bu sahə ilə məşğul olan sahibkarlıq subyektlərinin də fəaliyyətini stimullaşdıracaq. Beləliklə, insanlarımızın daha keyfiyyətli və ucuz preparatlara çıxış imkanı artacaq. Bu qərar əhalinin sağlamlığının qorunması istiqamətində atılan ən mühüm addımlardan biridir”.
Qeyd edək ki, Tarif (qiymət) Şurasının son iclasında sadələşdirilmiş ekspertiza tarifləri mövcud tariflərdən 20-29%-ə qədər azaldılıb. Adi ekspertiza tarifləri isə mövcud tariflərdən 20%-ə qədər yuxarı həddə təsdiq edilib.
“Dərman vasitələri haqqında” Qanuna edilən dəyişikliyə əsasən, dərman vasitələrinin qeydiyyatı üçün ixtisaslaşdırılmış ekspertiza xidmətlərinin müddəti 210 gündən 90 günə endirilib.
Xarici qeydiyyatın tanınması üzrə sadələşdirilmiş ekspertizanın nəticələrinə əsasən, dövlət reyestrinə daxil edilən dərman vasitələri üçün tələb olunan sənədlər azaldılıb. Sadələşdirilmiş ekspertiza üçün qısa müddət - 11 iş günü müəyyənləşdirilib.
Tarif (qiymət) Şurasının son iclasında yeni dövlət qeydiyyatına alınan 158 dərman vasitəsinin qiymətlərinin yuxarı həddi təsdiq edilib.
Əhalinin sağlamlığı baxımından mühüm əhəmiyyət kəsb edən, sahibkarlar üçün idxalı iqtisadi cəhətdən səmərəli olmayan dərman vasitələri üzrə etibarlı təchizatın təmin olunması məqsədilə Səhiyyə Nazirliyindən müvafiq rəy alınmış 57 dərman vasitəsinin qiymətinin yuxarı həddində qanunvericiliyə uyğun olaraq dəyişikliklər aparılıb.
Qərarla Tarif (qiymət) Şurasının rəsmi saytının (www.tariff.gov.az) “Şuranın qərarları” bölməsində tanış olmaq olar.
Qərar 8 dekabr 2023-cü il tarixindən qüvvəyə minir.
421 dəfə oxundu
Bunu APA-ya açıqlamasında iqtisadçı-ekspert Eyyub Kərimli deyib.
O bildirib ki, bu da öz növbəsində dərman bazarında rəqabət mühitinin yaranmasına gətirib çıxaracaq:
“Liberal rəqabət olan yerdə qiymət tələb-təklif əsasında formalaşır ki, burada da təklifin artması gözlənilir. Beləliklə, xaricdən müxtəlif çeşiddə daha keyfiyyətli dərmanların gətirilməsi üçün şərait yaranacaq. Ekspertiza tariflərinin azaldılması nəticəsində dərmanların maya dəyəri də aşağı düşmüş olacaq. Sözsüz ki, bu da qiymətlərin rəqabət mühitində formalaşmasına gətirib çıxaracaq”.
Ekspert əlavə edib ki, ölkəmizə il ərzində təxminən 500 milyon dollarlıq dərman idxal olunur və dərman sənayemiz 95 faiz idxaldan asılıdır:
“Əlbəttə ki, bu qərar dərman vasitələrinin ucuzlaşmasına da imkan verəcək. Prosedurların sadələşdirilməsi bu sahə ilə məşğul olan sahibkarlıq subyektlərinin də fəaliyyətini stimullaşdıracaq. Beləliklə, insanlarımızın daha keyfiyyətli və ucuz preparatlara çıxış imkanı artacaq. Bu qərar əhalinin sağlamlığının qorunması istiqamətində atılan ən mühüm addımlardan biridir”.
Qeyd edək ki, Tarif (qiymət) Şurasının son iclasında sadələşdirilmiş ekspertiza tarifləri mövcud tariflərdən 20-29%-ə qədər azaldılıb. Adi ekspertiza tarifləri isə mövcud tariflərdən 20%-ə qədər yuxarı həddə təsdiq edilib.
“Dərman vasitələri haqqında” Qanuna edilən dəyişikliyə əsasən, dərman vasitələrinin qeydiyyatı üçün ixtisaslaşdırılmış ekspertiza xidmətlərinin müddəti 210 gündən 90 günə endirilib.
Xarici qeydiyyatın tanınması üzrə sadələşdirilmiş ekspertizanın nəticələrinə əsasən, dövlət reyestrinə daxil edilən dərman vasitələri üçün tələb olunan sənədlər azaldılıb. Sadələşdirilmiş ekspertiza üçün qısa müddət - 11 iş günü müəyyənləşdirilib.
Tarif (qiymət) Şurasının son iclasında yeni dövlət qeydiyyatına alınan 158 dərman vasitəsinin qiymətlərinin yuxarı həddi təsdiq edilib.
Əhalinin sağlamlığı baxımından mühüm əhəmiyyət kəsb edən, sahibkarlar üçün idxalı iqtisadi cəhətdən səmərəli olmayan dərman vasitələri üzrə etibarlı təchizatın təmin olunması məqsədilə Səhiyyə Nazirliyindən müvafiq rəy alınmış 57 dərman vasitəsinin qiymətinin yuxarı həddində qanunvericiliyə uyğun olaraq dəyişikliklər aparılıb.
Qərarla Tarif (qiymət) Şurasının rəsmi saytının (www.tariff.gov.az) “Şuranın qərarları” bölməsində tanış olmaq olar.
Qərar 8 dekabr 2023-cü il tarixindən qüvvəyə minir.
421 dəfə oxundu