BYD Avropanın kabusuna çevrilir - BİZİM GÜNDƏM
Şirkət hazırda Avropada 1,1% bazar payına sahib olsa da, 2025-ci ilə qədər bu rəqəmi 5%-ə çatdırmaq niyyətindədir.
Bu hədəfə çatmaq üçün BYD Macarıstanda avtomobil istehsal edən zavod tikir. Bu zavod ildə 300,000-ə qədər avtomobil istehsal edə biləcək, bu isə şirkətin müştərilərə daha sürətli çatdırılma təklif etməsinə və Avropa bazarında etibar qazanmasına kömək edəcək.
2023-cü ilə qədər Avropa bazarının müxtəlif tənzimləmələri və dil fərqlilikləri BYD üçün müəyyən çətinliklər yaratsa da, şirkət "Atto 3" və "Seal U" kimi modellərini burada təqdim etməklə bazarda payını artırmağa başlayıb.
Hazırda bu modellər münasib qiymətləri və texnoloji üstünlükləri ilə Avropada diqqət çəkir(https://www.carscoops.com/2024/03/byd-wants-5-ev-market-share-in-europe-before-starting-local-production/).
Avropa Birliyi dövlətləri avtomobil bazarının Çin tərəfindən işğal edilməsinə qarşı artıq bir sıra sərt gömrük rüsumları tətbiq etməyə başlayıb. 2023-cü ildə Çin avtomobillərinə tətbiq edilən 10 faizlik gömrük rüsumu 2024-cü ildə 38 faizə qədər artırıldı.
Avropa Birliyi, Çin avtomobil istehsalçılarının dövlət subsidiyaları aldığına görə və bunun da nəticəsində haqsız rəqabət yaratdığına görə araşdırmalara başladığını da qeyd edir.
Gundeminfo.az xəbər verir ki, əsasən də Çində, yerli bazarda aparıcı olan alman markası Volsvaqen hər il BYD ilə rəqabətə uduzur. Çin bazarında almaniyanın digər markkaları olan Mercedes və BMV də satışlarını artıra bilmirlər. Hətta alman avtomobil nəhəngləri açıqlama veriblər ki, vəziyyət bu şəkildə davam etsə Mercedes və BMV, həmçinin də Volsvagen zavodlarını bağlamaq məcburiyyətində qalacaq.
BYD-nin hazırkı bazar dəyəri təxminən 132 milyard ABŞ dollarıdır. Şirkət 1995-ci ildə Wang Chuanfu tərəfindən Çində qurulub.
Əvvəlcə batareya istehsalı ilə məşğul olan BYD, 2003-cü ildə avtomobil sektoruna daxil oldu və son illərdə yeni enerji nəqliyyat vasitələri (elektrikli avtomobillər) bazarında liderlərdən birinə çevrildi. 2022-ci ildə BYD benzin mühərrikli avtomobillərin istehsalını dayandırdı və tamamilə elektrikli və hibrid avtomobillərə yönəldi.
BYD tarixi boyu bəzi çətinliklərlə üzləşib, o cümlədən 2010-cu illərdə bazar tənəzzülü və maliyyə problemləri ilə üzləşdi. Bununla belə, elektrik nəqliyyat vasitələrinə keçid və batareya texnologiyasındakı üstünlüyü sayəsində iflas təhlükəsini dəf edərək sürətlə inkişaf etdi
BYD-nin hazırda əsas rəqibləri arasında Tesla, Volkswagen, və Nio kimi böyük avtomobil istehsalçıları var.
BYD Tesla ilə xüsusilə sərt rəqabət aparır, çünki hər iki şirkət elektrikli nəqliyyat vasitələri sahəsində aparıcıdır(https://electrek.co/2024/03/12/byd-triple-ev-market-share-europe/).
Hazırda Çin-in bu nəhəng avtomobil istehsalçısı illik satışları 2 milyon ədədə çatdırmaq istəyir. Asiya və Şimali Amerika bazarlarında 1 milyondan çox avtomobil satan bu şirkəətin əsas hədəfi Avropa bazarlarıdır.
Avropa Birliyi ölkələrinin avtomobil nəhəngləri isə yalnız Çin bazarından imtina edəcəyi təqdirdə, Çin avtomobillərinin idxalına qadağa qoya bilər. Çin bazarının itirilməsi isə Avropa avtomobil nəhənglərinin iflasına səbəb olacaq.
Gundeminfo.az Analitik Ekspert Qrupu
