Dağlıq Qarabağda Ermənistan hərbçisi yaralanıb
Azərbaycanın işğal altında olan Dağlıq Qarabağ bölgəsində Ermənistan ordusunun hərbçisi Hayk Xaçatryan odlu silahdan açılan atəş nəticəsində yaralanıb.
BAKU.NEWS RİA "Novosti”yə istinadən xəbər verir ki, hadisə Dağlıq Qarabağın şimal-şərqində baş verib.
Hərbçinin hansı şəraitdə yaralandığı məlum deyil.
Hospitala yerləşdirilən H.Xaçatryanın vəziyyətinin ağır olduğu bildirilib.
Məlumata görə, onun görməsində problem var.
Faktla bağlı araşdırma aparılır.
