BŞİH “Tarqovı”ya girişin məhdudlaşdırılacağı xəbərinə münasibət bildirib
BŞİH-in Mətbuat xidmətinin rəhbəri İsrafil Kərimov "Report"a açıqlamasında bildirib ki, bu barədə mətbuatda yayılan məlumatlar həqiqətə uyğun deyil və hər hansı məhdudiyyət tətbiq edilməyib.
"Belə məlumatlar şəbəkə təxribatı xarakteri daşıyır. Futbol kütlələrin baxdığı, azarkeşlik etdiyi oyundur. Onu hamı sevir və hər hansı məhdudiyyət yolverilməzdir. Əksinə həmin gün şəhərdə bayram əhval-ruhiyyəsi hökm sürəcək, müxtəlif tədbirlər keçiriləcək", - o qeyd edib.
