Türkiyənin Almaniyadakı səfirliyinin avtomobili yandırılıb
Türkiyənin Almaniyadakı səfirliyinin avtomobili yandırılıb.
“Report” xəbər verir ki, məlumatı “Anadolu” agentliyi yayıb.
Bildirilib ki, naməlum şəxs və ya şəxslər dayanacaqdakı Türkiyə səfirliyinə məxsus avtomobili yandırıblar. Hadisə nətisində xəsarət alan olmasa da, avtomobil tam yararsız hala düşüb.
Türkiyə səfirliyi Almaniya hökumətinə təhlükəsizlik tədbirlərinin gücləndirilməsi üçün müraciət edib.
Almaniya polisi hadisəni araşdırır.
