"Atatürkün maykada şəkil çəkdirdiyini görmüsən?"
Kılıçdaroğlunun “Ədalət yürüşü” məsələsində səmimi olduğuna inanmıram. Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan deyib.
“CHP lideri durub Ankaradan İstanbula gedir. Hərdən də mayka ilə oturub yemək yeyir. Sonra deyir ki, mən Atatürkün partiyasının rəhbəriyəm. Sən Atatürkü mayka ilə oturub yemək yediyi yerdə foto çəkdirdiyini görmüsən?!” - Ərdoğan bildirib.
Qeyd edək ki, Türkiyə mediasında CHP lideri Kamal Kılıçdaroğlunun “Ədalət yürüşü” əsnasında qızı ilə çəkilən fotosu yayılıb. Fotoda Kılıçdaroğlunun maykada olması birmənalı qarşılanmayıb.
