Türkiyənin Dini İşlər İdarəsinin sədri istefa verəcək
Türkiyənin Nazirlər Kabineti yanında Dini İşlər İdarəsinin sədri (Diyanet İşleri başkanı) Mehmet Görməz istefa vercəyini bildirib.
“Report” Haber7-yə istinadən xəbər verir ki, o, bunu jurnalistlərin suallarını cavablandırarkən açıqlayıb.
Jurnalistin “İstefadan sonra hansı vəzifəni daşıyacaqsınız” sualına Mehmet Görməz belə cavab verib: “Bütün vəzifələr sadəcə bir əmanətdir. Vaxtı gəldikdə təhvil verilir. Dini İşlər İdarəsinə başçılıqdan sonra elmlə məşğul olacağam. Həm əziz millətimizin, həm də islam dünyasının elm həyatına fayda vermək üçün bu sahədə çalışağam”.
