Türkiyənin baş naziri açıqladı — "Fövqəladə vəziyyət 3 ay uzadılacaq"
Türkiyənin baş naziri Binəli Yıldırım Çankayada mətbuat nümayəndələri ilə görüşüb. "Ölkə.Az" xəbər verir ki, baş nazir fövqəladə vəziyyətin daha 3 ay müddətinə uzadılmasını təklif edəcəklərini bildirib.
15 iyul tədbirlərinə dair hazırlanan afişalarla bağlı mübahisələrə toxunan Yıldırım deyib: "Heç kəs narahat olmasın. Əvvəldən də demişdik, əsgər paltarı geyinmiş terrorçular demişik. Həssaslıq göstərəcək bir vəziyyət yoxdur. Türk Silahlı Qüvvələrini hədəf götürmək düşüncəsi yoxdur. İlk dəfədir ki,belə fotolar üzə çıxır? Xalq daha vahiməli fotolar görüb".
