Səudiyyə Ərəbistanında başını örtməyən Melania və İvanka Vatikanda örtündülər - FOTOLAR
“Vatikana gedəndə başını örtə bilirsən, müsəlman ölkəsinə gedəndə yox?” Bu sual istər-istəməz bu gün Roma papasını ziyarət edən ABŞ prezidenti Donald Trampı müşayiət edən xanımı Melania və qızı İvanka Trampın geyim tərzinə baxanda hərkəsin ağlına gələ bilər. Çünki Vatikanda qadınların baş örtüsü olmadan gəzməi qadağan olduğu kimi, Səudiyyə Ərəbistanında da qadınları baş örtüsü olmadan ictimaiyyət arasına çıxması yasaqdır.
Doğrudur, həm Melania, həm də İvanka Tramp Səudiyyə Ərəbistanında keçirilən səfər zamanı son dərəcə konservativ geyim tərzi seçmişdilər və bu həssasiyyət səudiyyəlilər tərəfindən alqışlanmışdı, lakin onlar ötən illərdə Səudiyyə Ərəbistanını ziyarət edən keçmiş prezident Barak Obamanın xanımı Mişel Obama kimi başlarını örtməmişdilər.
Hətta o dönəmdə Tramp məsələyə münasibət bildirərək yazmışdı ki, bu, getdiyin ölkəyə qarşı hörmətsizlikdir, onsuz da Amerikanın kifayət qədər düşməni var.
Görünən odur ki, dünyanın iki teokratik ölkəsinə ard-arda gerçəkləşən səfərin arasında fərq var və bu fərq müsəlman ölkəsinin ziyanınadır.
