“Volkswagen”də çalışan 25 min nəfər ixtisar olunacaq
Tanınmış alman avtomobil brendi “Volkswagen” qarşıdakı 10 il ərzində 25 minə yaxın əməkdaşı ilə əmək müqaviləsinə xitam verəcək. Rusiya mətbuatının bildirdiyinə görə, şirkət hər il erkən pensiyaya çıxarmaqla müntəzəm olaraq 2500 nəfər işçi ilə yollarını ayırmağı nəzərdə tutur. Şirkətin menecerlərindən biri şirkətin qarşıdakı illərdə xərclərini azaltmaqla bağlı müzakirələrin aparıldığını vurğulayıb.
