Sel əkin sahələrini yudu, bahalaşma olacaq -
Baş verən təbii fəlakət kənd təsərrüfatı məhsullarının qıtlığı və bahalaşmasına səbəb ola bilərmi?
Bakupost.az -ın sualını iqtisadçı Xalid Kərimli cavablandırıb.
O, təbii fəlakətlərin bazardakı qiymətlərə təsir göstərəcəyini bildirib:
“Təbii ki, kənd təsərrüfatında bəzi məhsullar var ki, yetişib və bazarlardadır. Elə məhsullar da var ki, hələ yetişmə dövründədir. Amma istənilən halda dolu və sel suları nəticəsində sahələrin ziyan görməsi bazardakı qiymətlərə təsir göstərəcək”.
Onun sözlərinə görə, dəyşmiş ziyanla bağlı dəqiq rəqəm açıqlandıqdan sonra konkret nəsə demək olar:
“Yəni dəymiş ziyanla bağlı Kənd Təsərrüfatı Nazirliyi açıqlama verməlidir. Ona görə də öncədən dəqiq fikir söyləmək çətindir. Amma istənilən halda meyvə-tərəvəz sahələrinin sıradan çıxması bazara çıxarılan məhsulun həcmində əhəmiyyətli azalma yaradarsa, bu, qiymətlərin bahalaşmasına təsir göstərəcək”.
