Kadırov 26 yaşlı qardaşı oğlunu nazir təyin etdi
Yeniavaz.com Lenta.ru-ya istinadla xəbər verir ki, 26 yaşlı Həmzət Kadırov respublikada əmlak və torpaq münasibətləri naziri vəzifəsinə təyin edilməsini Kadırov Çeçenistan Nazirlər Kabinetinin iclasında bəyan edib.
O, gəncin özünü sübut etməyi bacardığını vurğulayıb:
“Həmzət istedadlı və icraçı rəhbərdir. O, bunu dövlət orqanlarında və yerli özünüidarəetmə orqanlarında əvvəlki vəzifələrdə yüksək nəticələr əldə etməklə sübut etdi”.
Kadırov qardaşı oğluna yeni vəzifəsində uğurlar arzulayıb.
Həmzət Kadırov 2018-ci ilin aprelində Kürçaloy rayon icra başçısının birinci müavini vəzifəsini alıb, bir neçə ay sonra isə rayona rəhbərlik edib. 2019-cu ildə o , Çeçenistan Respublikasında Vahid Rusiya Partiyasının regional siyasi şurasının rəyasət heyətinə seçilib.
