Azərbaycanlılar ruslara 2 milyardlıq saxta pendir satdı...
Podmoskovyedə pendir qaçaqmalçıları saxlanılıb
Fırıldaqçılar Rusiyaya sanksiyalaşdırılmış ərzaq gətirirlərmiş. Xüsusi avadanlıqla təmin edilmiş anbarda onlar aparıcı istehsalçıların saxta etiketlərini çap edir və saxtalaşdırılmış malı bahalı pendir növləri adı altında mağazalara çatdırırlarmış.
Oxu.az “Vesti” telekanalına istinadən xəbər verir ki, cinayətkar qrupun hələlik 6 üzvü həbs edilib. Onlar Rusiya və Azərbaycan vətəndaşlarıdır.
470 ton sanksiyalaşdırılmış pendir müsadirə edilib. Qaçaqmalın anbarı üç mərtəbəni əhatə edib. Cəmi bir neçə ay müddətində cinayətkar qrup 2 milyard rubl dəyərində saxta mal satıb.
