Saatlar içində su altında qalan Yalta - FOTO/VİDEO
Krımın kurort paytaxtında leysan yağışlarından sonra Yaltanın küçələri su altında qalıb. Bir gün əvvəl Kerçi vuran siklon yarımadanın şərqindən cənub sahilinə doğru hərəkət edib.
Bu barədə “RİA Novosti” xəbər verib.
Məlumata görə, altı saata şəhərə bir aylıq yağıntı norması düşüb. Vodopadnaya çayı daşıb və şəhərin əsas elektrik təchizatı mənbələrinin yerləşdiyi ərazi su altında qalıb.
Sakinlər və turistlərdən mümkün qədər küçələrə çıxmamaq istənilib.
Qeyd edək ki, təbii fəlakətlə əlaqədar regionda fövqəladə vəziyyət elan edilib.
